Cantabileando 2025: Lisboa
Este verán o noso Cantabileando levounos a Lisboa, facendo unha parada en Porto. Alí visitamos a Capela das Almas e o Mercado do Bolhão. Nese lugar atopamos un piano e os nosos coralistas aproveitaron para alegrar ás persoas visitantes coa súa música. Despois achegámonos a Vila Nova de Gaia, aos Xardíns do Morro, desde onde puidemos desfrutar dunha marabillosa vista de Porto.
Ao día seguinte saímos cara a Lisboa. De camiño paramos nas preciosas Grutas de Mira de Aire e tamén fixemos unha pequena parada en Fátima.
Xa en Lisboa, pola mañá, visitamos a libraría máis antiga do mundo e, de camiño ao Terreiro do Paço, collemos un barco que nos levou de paseo polo Texo. Pola tarde celebramos un concerto na Igreja de Santo António.
Á mañá seguinte percorremos os lugares máis importantes da cidade nun autobús turístico e, ao día seguinte, visitamos Sintra, Cascais e Estoril. E que ben nos sentou o baño que nos demos na praia! Mágoa que ao día seguinte xa tocaba voltar!
Foron días de subidas e baixadas, días esgotadores, con moita calor, pero cheos de emocións e de momentos inesquecibles, coma sempre nos nosos marabillosos Cantabileando. Que nos deparará o seguinte? Xa estamos desexosos de vivilo!
Les voici! Voici la quadrille: participamos en Carmen, de Bizet.
Coa Ópera Carmen de Bizet (5 e 7 de setembro 2025) rematou un traballo precioso que comenzou en febreiro de 2025, cheo de esforzo, sacrificio, longos ensaios e moitas horas de espera. Teremos sempre presente que todo o que vivimos estes días quedará gravado para sempre nas nosas vidas. Non todos os nenos e nenas tan pequenos teñen a oportunidade de participar nun espectáculo tan grande como é unha ópera representada. O Coro Cantabile fíxoo con matrícula de honra. Todo o mundo falou marabillas de Cantabile, e iso foi moi, moi grande. Cantabile é unha familia.
“Deron todo o Coro Gaos, dirixido por Fernando Briones, e os nenos e nenas do Coro Cantabile, baixo a dirección de Pablo Carballido, asumindo con valentía e grande expresividade o papel fundamental que lles corresponde, especialmente no plano escénico, no último acto. Comprenderon á perfección a proposta de Bieito, achegando á súa funcionalidade unha emoción engadida e ofrecendo, ademais, unha interpretación vocal máis que notable”
Critica de Luis Suñén, recoñecido poeta e crítico literario e musical español.
