Colabora connosco
Dicímolo na nosa páxina de presentación: Cantabile é algo máis que un coro. Cantabile é un proxecto moi amplo que, a través da actividade artística e didáctica, valora o patrimonio cultural e musical, non só no campo da música clásica, especialmente do barroco, senón tamén da música tradicional e contemporánea galega, entre outras. Sentimos moito orgullo cando podemos cantar composicións dos nosos propios coralistas ás veces, como a cantiga de Nadal de Xulio Loureiro ou a composición “Hércules” que Jesús Rodil fixo para a Torre de Hércules.
O que se ve nas nosas actuacións é só a punta do iceberg dun proxecto xestionado a través da Asociación musical y cultural Cantabile que proporciona á rapazada educación musical e unha alternativa de lecer na que ensinan constancia, esforzo, disciplina e, sobre todo, compañeirismo e amizade.
Asóciate
Para isto necesitamos a túa axuda. Encántanos que veñas aos nosos concertos, porque os aplausos son a mellor vitamina, mais non podemos vivir só dos aplausos. É por iso que te convidamos a te asociares a Cantabile. Deste xeito deixas de ser espectador do noso traballo, e pasas a facer parte deste proxecto convértendote en #FamiliaCantabile. Envíanos un correo electrónico a info@corocantabile.gal e responderemos con toda a información.