Boa tarde, #familiacantabile.
Coma parte da actividade formativa de Cantabile, proximamente celebraremos unha nova edición do Curso de Canto, impartido polo noso director, Pablo Carballido del Camino.
Nesta ocasión o curso será gratuíto, e está especialmente recomendado para os nosos coralistas mais novos, así como tamén para todos aqueles rapaces de entre 8 e 25 anos interesados no canto lírico e que queren comezar a traballar técnica vocal. Así que, xa sabedes, traede ós vosos irmáns, curmáns, veciñas e compañeiros de clase.
En grupos reducidos, os participantes traballarán os conceptos fundamentáis para conseguir unha boa respiración, proxección e colocación do son, que serán aplicados en diferentes pezas ó longo das clases.
O curso terá lugar no noso local (Av. de Hércules, 57) durante os sábados pola tarde e domingos pola mañá das próximas semanas: 22, 23, 29 e 30 de abril e o 6 e 7 de maio, e rematará cun concerto de clausura que se celebrará o último domingo do curso.Os grupos e horarios serán deseñados polo propio Pablo en función da idade e características dos participantes. Serán 3 clases prácticas de unha hora de duración cada unha.
Os grupos remitiranse a cada participante no seu correo electrónico ou por whatsapp e tamén serán anunciados nas nosas redes e canles de comunicación internas a próxima semana.
Lembrade que o curso é totalmente gratuíto, mais o número de prazas é reducido, polo que a selección farase por estrito orde de inscrición no seguinte formulario: https://forms.gle/icLbM4H9u1765PAv9 . Tedes ata o próximo martes 18 de abril. Animádevos!
Se tedes algunha consulta, non dubidedes en escribirnos ó noso correo: info@corocantabile.gal